Beste Alumni Namate ons die jaar afsluit en die feesgety nader, wil ons as Akademia se Alumni-komitee ons opregte dank en beste wense met jou deel. Hierdie tyd van die jaar bied ons die geleentheid om stil te staan, op die afgelope jaar te weerspieël, en dank te betuig vir die ryk seëninge in ons lewens. Ons alumni, as vlagdraers van ons alma mater se waardes en tradisies, is ons trots. Dankie vir die ambassadeur van geloof, integriteit, en toewyding wat jy ook hierdie jaar vir ons geliefde alma mater was. By Akademia word ons telkens herinner aan die diepliggende betekenis van Kersfees: die geskenk van hoop, liefde en genade deur die geboorte van ons Verlosser. Mag hierdie boodskap van vrede jou hart vul om ook dié feesseisoen saam met jou geliefdes geborgenheid in gemeenskap te ervaar. |
